Necə tətbiq olunur? | Püskürtmə çim mərhələləri

01

Sahəyə baxış və ölçmə

Mütəxəssisimiz ünvana gəlir, sahəni ölçür, torpağın tipini, meylini, suvarma və su mənbəyi imkanını qiymətləndirir. Bakı və Abşeron üzrə baxış pulsuzdur. Nəticədə sizə yazılı təklif təqdim olunur: sahə, toxum qarışığı, iş qrafiki və dəqiq qiymət.

02

Torpağın hazırlanması

Səth iri daşlardan, tikinti qalıqlarından və alaqdan təmizlənir. Lazım gələrsə freze ilə yumşaldılır, hamarlanır və su axını üçün minimal meyl verilir. Yaxşı hazırlanmış torpaq nəticənin 70%-ni təyin edir — bu mərhələyə vaxt ayırmağa dəyər.

03

Qarışığın hazırlanması

Toxum, üzvi gübrə, sellüloz mulç, yapışdırıcı və piqment maşının çənində su ilə birlikdə qarışdırılır. Reseptura sahəyə görə fərdi hesablanır: kölgəli park bir, günəşli yamac isə tamamilə başqa qarışıq tələb edir.

04

Püskürtmə

Qarışıq yüksək təzyiqli nasosla bərabər qatda səthə püskürdülür. Yaşıl piqment sayəsində operator hansı zonanın örtüldüyünü gözlə görür — boş nöqtə qalmır. Bir maşın günə 5.000 m²-ə qədər sahəni tamamlaya bilir.

05

Suvarma dövrü

Ən kritik mərhələ. İlk 2–3 həftə səth daim nəm saxlanmalıdır: gündə 2–3 dəfə, qısa müddətli, incə damcılı suvarma. Güclü şırnaqla suvarmaq olmaz — örtüyü zədələyir. Suvarma qrafikini yazılı təhvil veririk.

06

İlk biçin və qulluq

Çim 8–10 sm hündürlüyə çatanda ilk biçin edilir və bir dəfədə hündürlüyün 1/3-dən çoxu kəsilmir. 30–45 gündən sonra ilk qidalanma gübrəsi verilir. Bu andan etibarən sahə adi qazon rejimində saxlanılır.

Vaxt

Nə vaxt tətbiq etmək lazımdır?

Toxumun cücərməsi üçün torpaq temperaturu 10–25 °C aralığında olmalıdır. Azərbaycan şəraitində bu iki dövrə düşür:

Yaz: mart – iyunun əvvəli. Ən uğurlu dövr — təbii nəmlik yüksəkdir.
Payız: sentyabr – noyabrın ortası. Qış öncəsi kök sistemi güclənir.
Yay: yalnız avtomatik suvarma sistemi olan sahələrdə tövsiyə olunur.

Payızda tətbiq edilən sahələr yazda daha sıx və davamlı çıxır, çünki kök qış boyu sakit inkişaf edir.

Diqqət

Nəticəni pozan 5 səhv

Suvarmanı kəsmək

İlk 3 həftə bir gün belə quruma toxumun böyük hissəsini məhv edir. Ən çox rast gəlinən səhv budur.

Güclü şırnaqla su vermək

Mulç örtüyü yuyulur, toxum yerindən tərpənir. Yalnız incə damcılı və ya duman rejimi.

Erkən üstündə gəzmək

İlk 3–4 həftə sahəyə piyada və heyvan girişi məhdudlaşdırılmalıdır.

Torpağı hazırlamamaq

Bərk, tapdanmış və ya tikinti qalıqlı səthdə kök dərinə gedə bilmir.

Çox erkən biçin

8 sm-dən alçaq çimi biçmək kökü zəiflədir. Səbirli olmaq lazımdır.

Bizim zəmanətimiz

Suvarma qrafikinə əməl olunan sahələrdə cücərmə seyrək çıxarsa, təkrar tətbiqi öz hesabımıza edirik.

Sahəyə baxış üçün müraciət edin

Bakı və Abşeron üzrə ilkin baxış pulsuzdur. Bölgələr üçün şəkil və ölçü əsasında ilkin qiymət veririk.

Müraciət göndər Qiyməti hesabla